काठमाडौं ।
पूर्वराष्ट्रपति विद्यादेवी भण्डारीले आफूले एमालेको सदस्यता विधिपूर्वक नवीकरण गरिसकेको बताएकी छन् ।
आफू देशका लागि थप योगदान दिन पार्टीमा फर्किन चाहेको र कुनै लालसा नरहेको उनले बताइन् ।
उनले भनिन्, ‘मैले नवीकरण गरिसकेको सदस्यता हुलहुज्जत र उत्तेजनाको भरमा खारेज हुँदैन । यसको पनि प्रक्रिया हुन्छ ।’
शिवराज, कपिलवस्तु
प्रेस चौतारी नेपाल शिवराज नगर समितिको अध्यक्षमा गीता पौडेल चयन भएकी छन्। शुक्रबार सम्पन्न नगर समितिको दोस्रो अधिवेशन तथा साधारण सभाबाट पौडेल सर्वसम्मत रूपमा अध्यक्षमा चयन भएकी हुन् ।
पौडेलको नेतृत्वमा ९ सदस्यीय नगर समिति गठन गरिएको छ। समितिको उपाध्यक्षमा यशोदा सुनार, सचिवमा आरती परियार, सह-सचिवमा नन्दकिशोर (लालु) चौधरी तथा कोषाध्यक्षमा गौतम यादव चयन भएका छन्। यस्तै सदस्यहरूमा सबिना अधिकारी, कमला काफ्ले र हसिना थारु निर्वाचित भएका छन् ।
नवनिर्वाचित नेतृत्वले प्रेस चौतारी नगर समितिको गतिविधिहरूलाई थप प्रभावकारी बनाउने र सञ्चार क्षेत्रको माध्यमबाट समाज तथा समुदायको विकासमा सक्रिय भूमिका खेल्ने प्रतिबद्धता जनाएको छ।
निर्वाचन समारोहमा प्रेस चौतारी नेपाल लुम्बिनी प्रदेशका महासचिव हरि अधिकारी, सदस्य कमल बिष्ट, नेकपा एमाले जिल्ला कमिटीका सचिव चन्द्र बहादुर गहतराज, प्रेस चौतारीका जिल्ला अध्यक्ष बाबुराम रायमाझी र इञ्चार्ज राम प्रकट कोरीलगायतले नवनिर्वाचित समितिलाई बधाई दिँदै सफल कार्यकालको शुभकामना व्यक्त गरेका थिए।
