कपिलवस्तुको बाणगंगामा खेलकुदलाई प्रोत्साहन गर्ने उद्देश्यसहित “बाणगंगा कप २०८२” क्रिकेट प्रतियोगिता हुने भएको छ । नाईन्टिन्स वारियर्सको आयोजनामा हुने यस प्रतियोगिता आगामी भदौ १८ गते, बुधबार बाणगंगा नगरपालिका–४, जितपुरस्थित बुद्ध रंगशालामा सुरु हुने छ । ५ हजार १११ रुपैयाँ प्रवेश शुल्क तोकिएको यस प्रतियोगिताको विजेताले नगद ५१ हजार १११ रुपैयाँ र उपविजेताले ३१ हजार १११ रुपैयाँ पुरस्कार पाउनेछन् । खेल संयोजक बिक्रम घिमिरेले बाणगंगा कपलाई स्थानीय खेलाडीको प्रतिभा विकास गर्ने साझा मंचका रूपमा लिएको बताउनुभयो । उहाँले यस प्रतियोगिता खुला भएकाले छिमेकी जिल्लाहरु रुपन्देही, अर्घाखाँची, दाङ्ग, नगवपरासी लगायतका टिमहरु सहभागी हुने जानकारी दिनुभयो ।
सुवास खनाल कपिलवस्तु,
कपिलवस्तु नागरिक समाजले हालै एक विज्ञप्ति जारी गर्दै देशको सार्वभौमिकता, भौगोलिक अखण्डता, राष्ट्रियता तथा सामाजिक सद्भावमा प्रतिकूल असर पार्ने गतिविधिहरूप्रति गम्भीर ध्यानाकर्षण गराएको छ ।
विज्ञप्तिमा भनिएको छ, नेपालको विभिन्न भू–भागमा देखा परेका विभाजनकारी, साम्प्रदायिकता र वैदेशिक स्वार्थसहितका गतिविधि चासोको विषय बनेका छन्। यस्ता कार्यहरूले नेपालको एकता, समृद्धि र भविष्यमा खतरा उत्पन्न गर्न सक्ने भन्दै सबै सरोकारवालालाई जिम्मेवार बन्न नागरिक समाजले आह्वान गरेको छ । समाजले नेपाल–भारत सीमाक्षेत्रका समस्या, प्राकृतिक स्रोतको दुरुपयोग, हिंसा, असमानता, तथा आपसी वैमनस्यता बढाउने प्रवृत्तिहरूको तत्काल समाधान खोज्न सरकारसँग माग गरेको छ। साथै, मुलुकको हित विपरीत हुने कुनै पनि गतिविधि सह्य नहुने चेतावनीसमेत विज्ञप्तिमा दिइएको छ। कपिलवस्तु नागरिक समाजका अध्यक्ष अजुर्न प्रसाद पोख्रेलद्धारा हस्ताक्षरित विज्ञप्तीमा, “राष्ट्रको सार्वभौमिकता र सामाजिक सौहार्द जोगाउन सबै नेपालीले एकजुट भई अघि बढ्न जरुरी छ।” भनि लेखिएको छ ।
कपिलवस्तुको बाणगंगामा खेलकुदलाई प्रोत्साहन गर्ने उद्देश्यसहित ‘बाणगंगा कप २०८२’ क्रिकेट प्रतियोगिता हुने भएको छ।
९०’स वारियर्सको आयोजनामा हुने प्रतियोगिता आगामी भदौ १८ गते, बुधबारदेखि बाणगंगा नगरपालिका–४, जितपुरस्थित बुद्ध रंगशालामा सुरु हुने आयोजकले जानकारी दिएका छन्।
यस प्रतियोगितामा सहभागी टोलीहरूले ५ हजार १११ रुपैयाँ प्रवेश शुल्क बुझाउनुपर्नेछ। प्रतियोगिताको विजेता टोलीले ५१ हजार १११ रुपैयाँ प्राप्त गर्नेछ भने उपविजेताले ३१ हजार १११ रुपैयाँ पुरस्कार पाउनेछ।
खेल संयोजक बिक्रम घिमिरेका अनुसार बाणगंगा कपलाई स्थानीय प्रतिभा विकास गर्ने साझा मंचका रूपमा लिइएको छ। उनले भने, “यस प्रतियोगिताले खेलप्रति रुचि बढाउनुका साथै प्रतिभाशाली युवा खेलाडीलाई अवसर दिनेछ। साथै बाणगंगामा खेलकुदमैत्री वातावरण निर्माणमा ठूलो योगदान पुग्नेछ।”
प्रतियोगिता खुला भएकाले रुपन्देही, अर्घाखाँची, दाङ, नवलपरासीसहितका छिमेकी जिल्लाका टोलीहरूको समेत सहभागिता रहने अपेक्षा गरिएको छ। प्रतियोगिता आयोजनामा बाणगंगा स्पोर्ट्स क्लबले सहयोग पुर्याइरहेको आयोजकले जनाएको छ।
सहभागिताका लागि इच्छुक टोलीहरूले ९८४७२०३७९५, ९८४९००५२६५ र ९८५७०५१३३२ मा सम्पर्क गर्न सक्नेछन्।
कपिलवस्तु नगरपालिका–३ का १४ वर्षीय मोहन चौहानको शव मङ्गलबार बिहान फेला परेको छ।
सोमबार दिउँसो भैंसी चराउन रामघाट गएका बेला बेपत्ता भएका चौहानको शव रामघाटस्थित हनुमान मूर्तिनजिकै नदीभित्र सुरक्षाकर्मीको उद्धार टोलीले बरामद गरेको जिल्ला प्रहरी कार्यालय कपिलवस्तुका नायब उपरीक्षक रुपेन्द्र कुमार सिंहले जानकारी दिनुभयो।
उहाँका अनुसार शवलाई आवश्यक प्रक्रिया पूरा गरी पोष्टमार्टमका लागि कपिलवस्तु अस्पताल पठाउने तयारी गरिएको छ।
घटनाबारे थप अनुसन्धान भइरहेको प्रहरीले जनाएको छ।
रौतहट । रौतहटको माधवनारायण नगरपालिका–२ की २६ वर्षीया रुबीकुमारी साहको हत्या गौर नगरपालिका–५ स्थित एक घरमा भएको खुलेको छ ।
सो घरमा डेरा गरी बसेका माधवपुरका लक्ष्मण पासवानले हत्यापछि उनको शव व्यवस्थापन गरेको प्रहरीको अनुसन्धानले देखाएको छ ।
प्रहरी स्रोतका अनुसार, उक्त शव ठेगान लगाउन पासवानले गौरको कबिर चोकबाट ई–रिक्सा बुक गरेका थिए ।
उक्त ई–रिक्सामा शव सहितको सुटकेस बोकेर पासवान बरहवा पुल पारि पुगेका थिए । पुल पारि पुगेपछि ई–रिक्साको पाङ्ग्रा बिग्रिएको थियो ।
सो क्रममा चालकले अर्को ई–रिक्सा बोलाउने प्रयास गरे ।
सुटकेसभित्र महिलाको शव प्रकरणस् एकजना सन्दिग्ध पक्राउ
रिक्सा चालक राजकुमार महरा अहिले प्रहरीको नियन्त्रणमा छन् । महराले प्रहरीलाई बताए अनुसार, सुटकेस बोकेका ती व्यक्तिले अर्को रिक्सामा जान इन्कार गरे ।
त्यसपछि पासवान सुटकेस लिएर पैदल नै अघि बढेको जानकारी रिक्सा चालक महराले प्रहरीलाई बयानका क्रममा भनेका छन् ।
सोही अनुसन्धानमा खटिएका एक प्रहरीका अनुसार, गौर–५ को बालमन्दिर पछाडि रहेको एक घरमा रुबीको चप्पल लगायतका सामग्रीहरू पनि फेला परेका छन् ।
प्रहरी स्रोतका अनुसार, उक्त घटना घटेको दिनदेखि नै पासवान सम्पर्कविहीन छन् ।
उनको खोजी कार्य जारी रहेको प्रहरीले जनाएको छ ।
बुटवल । लुम्बिनी प्रदेश सरकारले प्रदेशको राजधानी क्षेत्रको रोक्का राखिएका निजी जग्गा शर्तसहित फुकुवाका लागि संघीय सरकार समक्ष सिफारिस गर्ने निर्णय गरेको छ ।
प्रदेशको राजधानी दाङको राप्ती गाउँपालिका, गढवा गाउँपालिका र अर्घाखाँचीको शितगंगा नगरपालिकामा अवस्थित छ ।
मन्त्रिपरिषदको निर्णय अनुसार राप्ती गाउँपालिकाका सबै वडा, गढवा गाउँपालिका वडा नं १, २ र ३ मा १ कठ्ठाभन्दा सानो र शितगंगा नगरपालिका वडा नं ८ र ९ मा १ रोपनीभन्दा सानो क्षेत्रफलमा कित्ताकाट गर्न नपाइने निर्णय भएको सरकारका प्रवक्ता तथा कृषि, भूमि व्यवस्था तथा सहकारी मन्त्री दिनेश पन्थीले जानकारी दिए ।
साथै जग्गा खरिदकर्ताले एकीकरण आयोजनाका शर्तहरू पालना गर्ने गरी सहमति पत्रमा हस्ताक्षर गर्नुपर्ने व्यवस्था गरिएको छ ।
प्रदेश राजधानी घोषणा अघि २०७७ साल असोज १६ गते सरकारले जग्गा रोक्का राख्ने निर्णय गरेको थियो । लामो समयसम्म कित्ताकाट रोकिंदा स्थानीयबासी पटकपटक आन्दोलित भएका थिए । पछिल्लोपटक गत साउन २२ गते नेपाल कम्युनिस्ट पार्टी माओवादी केन्द्र राप्ती गाउँपालिका कमिटीले जग्गा कित्ताकाट तत्काल फुकुवा नभए भदौ १५ गतेदेखि सशक्त आन्दोलनमा उत्रिने चेतावनी दिएको थियो । त्यसअघि पनि पटक–पटक विभिन्न संघ–संस्थाहरूले जग्गा फुकुवा गर्न अनुरोध गर्दै आएका थिए ।
गत वैशाख १९ गते शंकर गौतमको संयोजकत्वमा नागरिक जनदबाब तथा संघर्ष समिति दाङ गठन गरी मुख्यमन्त्रीलाई बिनाशर्त जग्गा फुकुवाका लागि अपिल समेत गरिएको थियो ।
जग्गा रोक्काले नागरिकहरूको व्यक्तिगत आर्थिक कारोबार र आय–आर्जनमा प्रत्यक्ष असर परेको, उपचार, विवाह–व्रतबन्ध, अध्ययन, व्यापार–व्यवसाय, बैंक कर्जा भुक्तानी र घरखर्च समेत चलाउन समस्या भएको थियो । नागरिकहरूले समस्या पर्दा जग्गा बेचेर भएपनि आवश्यकताहरू पूरा गर्दै आएका थिए ।
सचिवहरुको जिम्मेवारी तोकियो
मन्त्रिपरिषद्को बैठकले तीन जना प्रदेश सचिवहरुको जिम्मेवारीसमेत तोकेको छ । मोतिराम सापकोटालाई मुख्यमन्त्री तथा मन्त्रिपरिषद्को कार्यालय, विनोद लामिछानेलाई युवा तथा खेलकुद मन्त्रालय र चुर्णबहादुर ओलीलाई ऊर्जा, जलस्रोत तथा सिंचाई मन्त्रालयको जिम्मेवारी तोकिएको हो ।
प्रदेश निजामती सेवा पुरस्कार छनोटका लागि मापदण्ड स्वीकृत गरेको छ । त्यस्तै संगठन तथा व्यवस्थापन सर्वेक्षण समिति गठन र आर्थिक वर्ष २०८२र८३ को प्रथम त्रैमासिकका लागि अस्थायी संगठन संरचना स्वीकृत गरिएको छ ।
बैठकले सञ्चार माध्यमसम्बन्धी ऐन संशोधन र एकीकरण गर्न अवधारणापत्र स्वीकृत गरेको छ । त्यस्तै पाल्पाको नुवाकोटमा बनेको सांस्कृतिक डबली तिनाउ गाउँपालिकालाई हस्तान्तरण गर्ने, अष्ट्रेलियाको वेन्डिगोस्थित ग्रेट स्तूप अफ युनिभर्सल कम्प्यासनसँग औपचारिक सम्बन्ध स्थापना गर्दै बुद्धको प्रतिमा स्थापना गर्ने निर्णय पनि भएको छ ।
