कपिलवस्तु ।

आगामी मंसिर १८ गतेदेखि पुस १ गतेसम्म सञ्चालन हुने १६ औं कपिलवस्तु महोत्सव तथा कृषि, पर्यटन र औद्योगिक प्रदर्शनी–२०८२ को तयारी तीव्र गतिमा अघि बढिरहेको छ। “कृषि, उद्योग, पर्यटन तथा खेलकुदमा लगानी, युवाको हातमा सुनौलो बिहानी” भन्ने मूल नारासहित महोत्सव बाणगंगा नगरपालिका–४, जीतपुरस्थित बुद्धरंगशालामा आयोजना हुने भएको हो। महोत्सवको मुख्य आयोजक बाणगंगा वेलफेयर सोसाइटीले आवश्यक भौतिक तयारी, संरचना निर्माण तथा प्राविधिक व्यवस्थापन तीब्र गतिमा भइरहेको जनाएको छ। विभिन्न कृषि, पर्यटन, उद्योग तथा स्थानीय उत्पादनसम्बन्धी स्टलहरू आकर्षक र व्यवस्थित ढंगले प्रस्तुत गर्न आवश्यक पूर्वाधार निर्माण भइरहेको सोसाइटीले बताएको छ।

सोसाइटीका अध्यक्ष राजकुमार खाँणले महोत्सवलाई व्यवस्थित, आकर्षक र सहभागितामूलक बनाउन विभिन्न संघ–संस्थासँग सहकार्य गरिएको बताउनुभयो । अध्यक्ष खाँणका अनुसार १६ औं कपिलवस्तु महोत्सव अब केवल प्रदर्शनी मात्र नभई स्थानीय पहिचान, अवसर र उत्साहको पर्वका रूपमा स्थापित भएको छ। यसलाई अझ व्यवस्थित बनाउन सबैसँग समन्वय गरी काम भइरहेको उल्लेख गर्नुभयो ।

त्यस्तै, सोसाइटीका महासचिव बुद्धि बहादुर रोकाहा क्षेत्री ‘दिनेश’ले महोत्सवमा स्थानीय किसानको उत्पादनलाई पहिलो प्राथमिकतामा राखिएको बताए । महासचिव दिनेशका अनुसार कृषकलाई प्रोत्साहन र प्रचार–प्रसार दिने उद्देश्यले नगरपालिकाको कृषि शाखासँग समन्वय गरेर स्थानीय उत्पादनको प्रदर्शनी, कृषि औजारको प्रदर्शन तथा उत्कृष्ट किसानलाई पुरस्कारसमेत प्रदान गरिने बताउनुभयो ।

महोत्सवमा कृषि उत्पादन, स्थानीय हस्तकला, खाद्य तथा औद्योगिक सामग्री, पर्यटन आकर्षण, युवा उद्यमशीलता, खेलकुद तथा मनोरञ्जनसम्बन्धी विभिन्न कार्यक्रम संचालन गरिनेछ।

कपिलवस्तुको जितपुरस्थित बुद्धरंगशालामा आयोजना हुने यस महोत्सवले स्थानीय उत्पादन प्रवद्र्धन, कृषक उत्साह वर्धन, पर्यटन पहिचान विस्तार तथा उद्योग–व्यवसायमा नयाँ अवसर सिर्जना गर्ने उच्च अपेक्षा गरिएको छ। महोत्सवले प्रदेश तथा स्थानीय तहबीच सहकार्यमा आधारित दीगो आर्थिक विकासलाई समेत थप गतिशील बनाउने आयोजकहरूको विश्वास छ।

बाणगंगा, १ मंसिर,
बाणगंगा–८ बोडगाउँस्थित मायादेवी रंगशालामा मंसिर ५ देखि १७ गतेसम्म सञ्चालन हुन लागेको ‘प्रथम कपिलवस्तु व्यापार मेला तथा कृषि, पर्यटन र औद्योगिक प्रदर्शनी–२०८२’ विभिन्न नयाँ र अद्वितीय आकर्षणका कारण व्यापक चर्चामा आएको छ। मेला आयोजक समितिका अनुसार यसपटकको व्यापार मेला प्रदेशमै नहीं होइन, देशभरकै फरक पहिचान बनाउन सक्षम हुने विशेष तयारी भइरहेको छ।
मेला संरक्षक टोपनारायण बेल्वासेका अनुसार मेलामा विश्वकै सबैभन्दा अग्लो कुकुर र विश्वकै सबैभन्दा होचो कुकुर प्रदर्शनको लागि ल्याइँदैछ, जसले दर्शकको मुख्य आकर्षण बटुल्ने अपेक्षा छ। त्यस्तै, जलपरी ९ःभचmबष्म० प्रदर्शन, फिस टनेल, र विभिन्न एलिट मनोरञ्जनात्मक सेटअपहरू मेलामा समावेश हुनेछन्।
मेलाको अर्को विशेषता सिंहदरबारको झल्को दिने विशेष सचिवालय निर्माण हुनु हो। आयोजकका अनुसार यस्तो संरचना यसअघि कुनै मेलामा नबनेको र यसले मेलालाई अद्वितीय पहिचान दिलाउने विश्वास लिइएको छ।
मेला संयोजक खिमानन्द पौडेल ९कपिल० का अनुसार मेलाको मूल नारा
“राष्ट्रिय स्वाधीनताको लागि राष्ट्रिय अर्थतन्त्र, राष्ट्रिय अर्थतन्त्रका लागि राष्ट्रिय औद्योगीकरण र व्यापार विविधीकरण”
राखिएको छ। मेला प्रवेश शुल्क १०० रुपैयाँ तोकिएको छ, जसअन्तर्गत १०० रुपैयाँमै १०० रुपैयाँ बराबरको गाईछाप सर्फ पाउडर निःशुल्क उपलब्ध गराइनेछ।
मेलामा दैनिक रूपमा लक्की ड्रबाट एक जनालाई साइकिल उपहार, फ्री कफी, तथा निःशुल्क स्वास्थ्य परीक्षण सुविधासमेत प्रदान गरिने आयोजकले जनाएको छ। करिब १ लाखभन्दा बढी दर्शक मेलामा सहभागी हुने अनुमान गरिएको छ।
प्रदर्शनीमा कृषि–उद्यम, घरेलु तथा साना उद्योग, स्थानीय उत्पादन, हस्तकला, आधुनिक प्रविधि, पर्यटन सम्भावना तथा युवामुखी स्टलहरू राखिने छन्। साथै युवा केन्द्रित कला–संस्कृति कार्यक्रम, फेसन शो, बाल उद्यान, स्थानीय परम्परागत उत्पादन प्रदर्शन, फूड फेस्ट, र विभिन्न मनोरञ्जनात्मक गतिविधि समेत समावेश गरिनेछ।
आयोजकका अनुसार मेलाले स्थानीय व्यवसाय, कृषि उत्पादन, आधुनिक प्रविधि र पर्यटन सम्भावनालाई एउटै मञ्चमा ल्याई रोजगारी सिर्जना तथा स्थानीय अर्थतन्त्रलाई सुदृढ गर्ने महत्वपूर्ण माध्यम बन्ने अपेक्षा गरिएको छ।

बुद्धरंगशाला ।

बाणगंगा वेयलफेयर सोसाइटी, जितपुरको आयोजनामा मंसिर १८ देखि पुष १ गतेसम्म हुने १६ औं कपिलवस्तु महोत्सवलाई लक्षित गर्दै ‘सन्देशमूलक टिकटक तथा भिडियो प्रतियोगिता–२०८२’ घोषणा गरिएको छ। महोत्सव मूल समारोह समितिको संयुक्त आयोजनामा हुने यो प्रतियोगिताको उद्देश्य कन्टेन्ट क्रियटर, टिकटकर तथा फेसबुकरहरूको सिर्जनशीलता अभिवृद्धि गर्दै महोत्सवको प्रभावकारी प्रचार–प्रसार गर्नु रहेको आयोजकहरूले जानकारी दिएका छन्।

प्रतियोगितामा सहभागीले समाजसेवा क्षेत्रमा वेयलफेयर सोसाइटीले खेलेको भूमिका तथा आगामी महोत्सवको विशेषता समेट्दै सकारात्मक सन्देशयुक्त टिकटक वा भिडियो निर्माण गर्नुपर्नेछ। भिडियो महोत्सव स्थल वा त्यससँग सम्बन्धित स्थानमै निर्माण गर्नुपर्ने व्यवस्था गरिएको छ। तयार पारिएका भिडियोहरू सहभागीको आफ्नै टिकटोक वा फेसबुक आइडीबाट अपलोड गरी सोसाइटीको आधिकारिक टिकटक आइडी तथा फेसबुक पेज बाणगंगा स्पोर्टस् एन्ड वेयलफेयर सोसाइटी ट्याग गर्नुपर्नेछ। त्यसपछि सोसाइटीको कार्यालयमा सम्पर्क गरी नाम, समूह नाम र सामाजिक सञ्जाल आइडी दर्ता अनिवार्य हुनेछ।

१ देखि ४ मिनेट समयसीमा नबनेका भिडियो मूल्यांकनमा समावेश गरिने छैन। कृषि, पर्यटन तथा औद्योगिक प्रदर्शनीसम्बन्धी सकारात्मक सन्देश बोकेको उत्कृष्ट भिडियो वेयलफेयर सोसाइटीको आधिकारिक फेसबुक पेजमा पुनःअपलोड गरिनेछ। भिडियोको सन्देश, कला, सिर्जनशीलता, विषयवस्तु तथा आधिकारिक पेजमा प्राप्त भ्यू, लाइक र सेयरको आधारमा मूल्यांकन गरिने आयोजकले जनाएको छ।

मूल्यांकन समितिको निर्णयअनुसार पहिलो, दोस्रो र तृतीय स्थान हासिल गर्नेले क्रमशः रु ७,७७७, रु ५,५५५ र रु ३,३३३ पुरस्कार प्राप्त गर्नेछन्। प्रतियोगितामा मंसिर ४ देखि १७ गतेभित्र अपलोड तथा दर्ता भएका भिडियो मात्र वैध मानिने र नतिजा महोत्सव अवधिभित्र नै सार्वजनिक गरिने सोसाइटीका महासचिव बुद्धि बहादुर रोकाहा ‘दिनेश’ले जानकारी दिएका छन्।