कपिलवस्तुको बाणगंगामा आएको बाढीमा फसेका दुई जनामध्ये एक जनाको उद्धार गरिएको छ भने अर्का एक जना बेपत्ता भएका छन्।
बाढीमा फसेका १६ वर्षीय रिदम लामालाई इलाका प्रहरी कार्यालय पिपरा र सशस्त्र प्रहरी बल पिपराको संयुक्त टोलीले उद्धार गरेको हो।
रिदमसँगै रहेका बुद्ध लामा भने बाढीमा बेपत्ता भएको इलाका प्रहरी कार्यालय पिपराले जनाएको छ। उनको खोजी कार्य भइरहेको प्रहरीले जनाएको छ।
उद्धार गरिएका र बेपत्ता भएका दुवै जना बाणगंगा नगरपालिका–८ का स्थानीय हुन्।
