यहि मंसिर ५ गतेदेखि १७ गतेसम्म बाणगंगा नगरपालिका–८ स्थित मायादेवी रंगशालामा सञ्चालन हुने प्रथम कपिलवस्तु व्यापार मेला तथा कृषि, पर्यटन र औद्योगिक प्रदर्शनीको सम्पूर्ण तयारी पूरा भएको छ । मेलाको आयोजक संस्था उद्योग व्यापार संघ कपिलवस्तुले मेलासम्बन्धी सम्पूर्ण तयारी पुरा भएको जानकारी गराएको हो ।
उद्योग व्यापार संघका अध्यक्ष तथा मेलाका संयोजक खिमानन्द पौडेल कोपिलले मेला स्थल सौन्दर्यीकरण, बालउद्यान, स्टल निर्माण, सचिवालय, प्रवेशद्वार तथा स्टेज निर्माण लगायत सबै कार्य सम्पन्न भएको बताउनुभयो ।
महोत्सवमा कणार्लीका खाद्यन्न सामागी्र भित्रिएको बताउदै महोत्सवको उद्घाटन कस्ले गर्ने भन्नी अझै पनि खुलाइएको छनै यो सबैलाई सप्राइज हुनेछ संयोजक पौडेलको भनाइ छ ।
उद्योग ब्यापार संघ कपिलवस्तका कोषाध्क्ष्य शालिकराम आचार्यले महोत्सवलाई सभ्य र भब्य रुपमा उत्घाटन गर्ने तयारी पुरा भएको बताउदै मेलाको अवलोकन गर्न सम्पुर्णमा आग्रह गर्नुभयो ।
डान्स स्टार संयोजक अंसिम कंडेल क्षेत्रिले मेलामा प्रत्येक दिन टिकटको रंग फरक फरक हुने बताउनुभयो ।
मेला आयोजकका अनुसार विश्वकै अग्लो कुकुर, जलपरी प्रदर्शन र सिंहदरबारको झल्को दिने सचिवालय मेलाका प्रमुख आकर्षण रहनेछन् । टिकट दर सामान्यका लागि रु. १०० र विद्यार्थीका लागि रु. ५० टिकट राखिएको छ भने १०० को टिकट खरिद गर्नेले रु.१०० बराबरको सर्फ निःशुल्क उपहार स्वरूप पाउने बताइएको छ । साथै, मेला क्षेत्रमा निःशुल्क कफी र बिस्कुट वितरण समेत गरिनेछ । स्थानीय कला–संस्कृति झल्कने विभिन्न झाँकी प्रस्तुत गरि मेला उद्घाटन समारोहलाई भव्य बनाईने आयोजकको दाबी छ ।
