कपिलवस्तु, जितपुर।
युनिक भुसाल,
कपिलवस्तु जिल्लाको वाणगंगा नगरपालिका–४, जितपुरमा ओएसिस एजुकेसन कन्सल्टेन्सीको नयाँ शाखा सञ्चालनमा आएको छ। विदेश अध्ययन गर्न चाहने विद्यार्थीहरूलाई लक्षित गर्दै सञ्चालनमा आएको उक्त शाखाले अस्ट्रेलिया, क्यानडा, युके तथा अमेरिका जस्ता मुलुकमा सरल, सहज र भरपर्दो प्रक्रियामार्फत विद्यार्थी पठाउने सेवा प्रदान गर्ने जनाएको छ।
शाखा उद्घाटन कार्यक्रममा बोल्दै शाखा म्यानेजर विकास बेल्बासेले विदेश अध्ययनको चाहना राख्ने विद्यार्थीहरूलाई सही सूचना, गुणस्तरीय परामर्श तथा पारदर्शी सेवा दिनु नै ओएसिस एजुकेसन कन्सल्टेन्सीको प्रमुख उद्देश्य रहेको बताए।
उनले भने, “विद्यार्थीको शैक्षिक योग्यता, क्षमता र आर्थिक अवस्थालाई मूल्यांकन गरी उपयुक्त देश, कलेज तथा कोर्स छनोटमा सहयोग गर्छौं। भ्रम फैलाउने होइन, यथार्थ जानकारी दिनु हाम्रो प्राथमिकता हो।”
बेल्बासेका अनुसार ओएसिस एजुकेसन कन्सल्टेन्सीले करियर काउन्सेलिङ, युनिभर्सिटी तथा कलेज छनोट, आवश्यक कागजात तयारी, भिसा प्रक्रिया, स्कलरशिपसम्बन्धी परामर्श र प्रि–डिपार्चर ओरिएन्टेसन लगायत सम्पूर्ण सेवा एकै ठाउँबाट उपलब्ध गराउनेछ।
स्थानीय स्तरमै अन्तर्राष्ट्रिय शिक्षा परामर्श सेवा उपलब्ध भएपछि विद्यार्थीहरूलाई काठमाडौँ तथा अन्य ठूला सहर धाउनुपर्ने बाध्यता हट्ने विश्वास गरिएको छ। कार्यक्रममा सहभागी विद्यार्थी तथा अभिभावकहरूले जितपुरमै भरपर्दो कन्सल्टेन्सी सञ्चालनमा आएकोमा खुशी व्यक्त गरेका छन्।
ओएसिस एजुकेसन कन्सल्टेन्सीले आगामी दिनमा शैक्षिक सेमिनार, करियर गाइडलाइन कार्यक्रम तथा विदेश अध्ययनसम्बन्धी सचेतनामूलक कार्यक्रमहरू समेत सञ्चालन गर्ने जनाएको छ।
