कपिलवस्तुको बाणगंगा नगरपालिका–२, गोबडिहवामा रहेको नव जागृति सामुदायिक वन उपभोक्ता समूहमा नयाँ नेतृत्व सर्वसम्मत रूपमा चयन गरिएको छ।
विगतमा पदाधिकारीहरूबीचको तिक्तता तथा आन्तरिक विवादका कारण कार्यसम्पादन प्रभावित बनेपछि अघिल्लो कार्यसमिति विघटन गरिएको थियो। सोही सन्दर्भमा नयाँ नेतृत्व चयन प्रक्रिया अघि बढाइएको हो।
नयाँ ११ सदस्यीय कार्यसमिति गठन गरिएको छ। जसअनुसार अध्यक्षमा पदमलाल अधिकारी चयन हुनुभएको छ भने उपाध्यक्षमा बेलमाया पुन निर्वाचित हुनुभएको छ। सचिवमा नरमाया पुन, कोषाध्यक्षमा लिल बहादुर राना तथा सह–सचिवमा शिव पाण्डे चयन हुनुभएको छ।
त्यस्तै सदस्यहरूमा सिता थापा, रुमाकान्त पौडेल, कृष्ण बहादुर थापा, जमुना राना, बिनु शर्मा र उमा पुन रहनुभएको छ।
यसैगरी, समूहको ३ सदस्यीय लेखा समिति पनि गठन गरिएको छ। लेखा समितिको संयोजकमा विष्णु प्रसाद ज्ञवाली चयन हुनुभएको छ भने सदस्यहरूमा लिला घिमिरे र दुर्गा बहादुर तरामु रहनुभएको छ।
नव निर्वाचित नेतृत्वले सामुदायिक वनको संरक्षण, व्यवस्थापन तथा उपभोक्ताको हितमा प्रभावकारी रूपमा काम गर्ने प्रतिबद्धता व्यक्त गरेको छ।
