🚨 गढवा–धोद्रेको सडक दुर्घटना :१९ वर्षीय सुशीलको अकाल मृत्यु, प्रचण्ड गम्भीर घाइते

१. दाङको गढवा गाउँपालिका–१ धोद्रे पुल नजिकै भएको सडक दुर्घटनामा एउटा परिवार शोकमग्न भएको।
२. दुर्घटनामा मोटरसाइकल चालक घाइते भएका छन् र एक युवक ज्यान गुमाएका छन्।
३. दुर्घटनामा संलग्न टिप्पर र चालकलाई प्रहरीले नियन्त्रणमा लिएर थप अनुसन्धान सुरु गरेको छ।

दाङ, देउखुरी ।

आइतबार बिहानै दाङको गढवा गाउँपालिका–१ धोद्रे पुल नजिकै भएको सडक दुर्घटनाले एउटा परिवार शोकमग्न बनेको छ। टिप्पर र मोटरसाइकल एक आपसमा ठोक्किँदा १९ वर्षीय सुशील थापाले ज्यान गुमाएका छन् भने अर्का युवक गम्भीर घाइते भएका छन्।

इलाका प्रहरी कार्यालय गढवाका प्रमुख प्रहरी निरीक्षक डवलबहादुर बमका अनुसार, प्युठानको ऐरावती गाउँपालिका–५ निवासी सुशील थापाको भालुवाङ अस्पतालमा उपचारकै क्रममा निधन भएको हो। मोटरसाइकलमा सवार उनी साथी प्रचण्ड थापासँग चन्द्रौटा जाँदै गरेका थिए।

दुर्घटनामा मोटरसाइकल चालक २२ वर्षीय प्रचण्ड थापा घाइते भएका छन्। उनको भालुवाङ अस्पतालमा प्राथमिक उपचारपछि थप उपचारका लागि बुटवल रिफर गरिएको प्रहरीले जनाएको छ।

दुर्घटना आइतबार बिहान करिब ६ बजे भएको हो। चन्द्रौटा तर्फ पश्चिम गइरहेको ना ८ ख ८२५९ नम्बरको टिप्पर र विपरीत दिशाबाट आइरहेको लु ३९ प ८३९० नम्बरको मोटरसाइकल ठोक्किँदा यो दुःखद घटना घटेको हो।